اوکھے ویلھے توں نکل آیوں، ہݨ چنڳا ویلھا امدا پئے، اوکھی صورتحال دے باوجود پاکستان دی معیشت بہتر تھیندی پئی اے، صنعتی زونز بݨݨ نال ملکی برآمدات ودھسی، وزیراعظم عمران خان دا رشکئی ترجیحی خصوصی اکنامک زون دے کمرشل لانچ دی تقریب نال خطاب

اسلام آباد۔28مئی (اے پی پی) وزیراعظم عمران خان آکھیا جو اوکھے ویلھے توں نکل آیوں، ہݨ چنڳا ویلھا امدا پئے، اوکھی صورتحال دے باوجود پاکستان دی معیشت بہتر تھیندی پئی اے، صنعتی زونز بݨݨ نال ملکی برآمدات ودھسی۔ اے ڳالھیں انہاں جمعے کوں دا رشکئی ترجیحی خصوصی اکنامک زون دے کمرشل لانچ دی تقریب نال خطاب کریندیں ہوئیں آکھی۔ وزیراعظم آکھیا جو اڄ نہ صرف خیبرپختونخواہ بلکہ پاکستان سانڳے وی چنگا ݙینھ اے، صںعت سازی دے بغیر دولت دی پیداوار نی ودھدی، رشکئی اکنامک زون سی پیک دا حصہ اے، وزیراعظم آکھیا جو چین دنیا اچ ساریاں توں ودھ ترقی کرݨ آلا ملک اے، مغرب دی صنعتی ترقی پراݨٰی ڳالھ اے، اساکوں چین دی صںعتی ترقی توں سکھݨ دی لوڑھ اے، انہاں وزیراعلیٰ خیبرپختونخواہ کوں ہدایت کیتی جو زون دی زمیناں نہ ویچی ونجن بلکہ لیز تے صنعت کاراں کوں ݙتی ونجن تانجو صنعتاں بݨݨ۔ انہاں وزیراعلیٰ کوں ہدایت کیتی جو سرمایہ کاراں کوں سوکھ ݙیون، ون ونڈو آپریشن ہووݨا چاپیدے۔ انہاں آکھیا جو اللہ تعالیٰ پاکستان کوں ٻہوں وسائل نال نوازیے اساں اقتدار سنبھالیا تاں پاکستان دیوالیہ تھیوݨ دے نیڑے ہئی، قرضے دی قسطاں ݙیوݨ دے پیسے کائنا ہن۔ اساں بڑے اوکھے ویلھے توں گزریے ہیسے، چین سعودی عرب اتے متحدہ عرب امارات جیھے دوست اساݙی مدد نہ کریندے تاں اساں دیوالیہ تھی ویندے اتے ایندا مطلب اے ہوندا جو روپے دی قدر ٻئی ݙھہہ ویندی اتے مہانگ دا طوفان آویندا۔ پر اللہ دا شکر اے جو او اوکھا ویلھا لنگھ ڳئے۔ وزیراعظم آکھیا جو معیشت دی صورتحال بہتر تھیندی ویندی اے، مخالفین ہݨ حیران ہن اتے آکھدن جو اتنی ترقی دی شرح کینویں تھی ڳئی اے۔ تقریب اچ وزیراعلیٰ خیبرپختونخوا محمود خان اتے چین دے سفیر وی موجود ہن۔

مضمون کا ماخذ : میگا سینا آن لائن

متعلقہ مضامین