او آئی سی جموں تے کشمیر دے تنازعہ دے دیرپا حل کیتے آپݨٰی کوششاں ودھاوے۔ وزیر خارجہ شاہ محمود قریشی دا جموں تے کشمیر تے تھیوݨ آلے او آئی سی رابطہ گروپ دے اجلاس اچ ڳالھ مہاڑ

اسلام آباد۔22مارچ (اے پی پی) وزیر خارجہ شاہ محمود قریشی آکھیا جو او آئی سی جموں تے کشمیر دے تنازعہ دے دیرپا حل کیتے آپݨٰی کوششاں ودھاوے، کشمیری عوام عالمی ضمیر کوں اوں ویلھے تئیں جھنجھوڑی رکھیسی جݙاں تئیں انہاں دی محرومیاں دا ازالہ نی تھیندا۔ منگل کوں وزارت خارجہ آچ جموں تے کشمیر تے تھیوݨ آلے او آئی سی رابطہ گروپ دے اجلاس اچ ڳالھ مہاڑ کریندیں ہوئیں انہاں آکھیا جو حق خود ارادیت بین الاقوامی قانون دا بنیادی اصول اے، آپݨٰی تقدیر خود طے کرݨ دا حق، آزادی دا نچوڑ اتے انسانی وقار کیتے اہم اے، جموں تےکشمیر اچ بھارتی فوج غیر قانونی طور تے لہݨ دے بعد کشمیری گزریل ستر سال توں ودھ عرصے توں ٻہوں جبر اچ زندگی گزریندے پئن۔ نو لکھ توں ودھ بھارتی فوجیاں دی موجودگی کشمیردی جنت نظیر وادی کوں دنیا دی ساریاں توں وݙی جیل اچ بدل ݙتے، 5 اگست 2019ء دے غیر قانونی اتے ہک پاسہ ہندوستانی اقدامات دے بعد ریاستی جبر اچ کئی گنا ودھارا تھیے ۔ ہݨ تئیں 4.2 ملین جعلی ڈومیسائل سرٹیفکیٹ ایہجھے لوکاں کوں جاری کیتے ڳئن جنہاں دا تعلق کشمیر توں کائنی۔ انہاں آکھیا جو ہندوستان اقوام متحدہ دے خصوصی، آزاد انسانی حقوق دے مبصرین اتے عالمی میڈیا کوں مقبوضہ علاقے تئیں رسائی ݙیوݨ نال مسلسل انکار کریندا پئے تانجو مقبوضہ جموں تے کشمیر اچ زمینی صورتحال دے آزادانہ جائزے توں بچ سڳے۔ حق خود ارادیت بین الاقوامی قانون دا بنیادی اصول اے، آپݨٰی تقدیر خود طے کرݨ دا حق، آزادی دا نچوڑ اتے انسانی وقار کیتے اہم اے، جموں تےکشمیر اچ بھارتی فوج غیر قانونی طور تے لہݨ دے بعد کشمیری گزریل ستر سال توں ودھ عرصے توں ٻہوں جبر اچ زندگی گزریندے پئن۔ پاکستان اقوام متحدہ دی سلامتی کونسل دی قرارداداں اتے کشمیری عوام دی خواہشات دے مطابق جموں و کشمیر تنازعہ دے جلدی منصفانہ اتے پر امن حل چاہندے۔

مضمون کا ماخذ : ٹربو چارج

متعلقہ مضامین