آٹو سیکٹر کوں ہݨ ملک سانڳے برآمدی ریونیو اچ نمایاں حصہ پاوݨا چاہدے، رانا تنویر حسین

اسلام آباد۔23مئی (ا?? پی پی):وفاقی و??یر صنعت و پیداوار رانا تنویر حسین آکھیے آٹو سیکٹر کوں ہݨ ملک سانڳے برآمدی ریونیو اچ نمایاں حصہ پاوݨا چاہدے ، حکومت پاک سوزوکی موٹرز دے کاروباری آپریشن اتے توسیع اچ سہولتاں ݙیسی ۔وزارت صنعت و پیداوارتوں جاری بیان موجب اے ڳالھ انہاں پاک سوزوکی موٹرز کارپوریشن دے جاپان توں آئے وفد نال ڳالھ مہاڑ کریندے ہوئیں آکھی اے جنہاں انہاں نال ملاقات کیتی ۔جاپانی وفد دی قیادت پاک سوزوکی موٹرز کارپوریشن دے عالمی نائب صدر کینیچی آیوکاوا کریندے پئے ہن ۔ایں موقع تے سیکرٹری صنعت و پیداوار وسیم اجمل چوہدری وی موجود ہن ۔ ایں موقع تے وفاقی و??یر آکھیے پاکستان توں سوزوکی سوئفٹ اتے GS-150 موٹر سائیکل دی برآمد دے آغاز تے مبارخ ݙتی ۔ آٹو سیکٹر کوں پچھلے ترائے ݙھاکیں توں مراعات یافتہ نظام دے ذریعے سہولت ݙتی ڳئی ۔ آٹو سیکٹر کوں ہݨ ملک سانڳے برآمدی ریونیو اچ نمایاں حصہ پاوݨاں چاہیدے۔ انہاں آکھیے حکومت الیکٹرک گاݙیاں دی مقامی مینوفیکچرنگ دی حوصلہ افزائی کریندی پئی اے ۔ 43 کمپنیاں کوں مقامی مینوفیکچرنگ الیکٹرک وہیکلز دے سرٹیفکیٹ جاری کیتن ۔ کمپنیاں پاکستان ا?? الیکٹرک گاݙیاں دی تیاری اچ دلچسپی ظاہر کریندیاں پئن