د كورنيو چارو وفاقي وزير برېګیډیئر(ر) اعجاز احمد شاہ ننکانه صاحب كښې د بابا ګرونانک پوهنتون د بنياد تيګې اېښودو دستورې ته خطاب

لاهور۔28 اکتوبر(اے پی پی) د كورنيو چارو وفاقي وزير برېګیډیئر(ر) اعجاز احمد شاہ وئيلي دي حكومت د اقليتونو د حقونو ساتنې ته خاص پام لرنه كوي ٬ د هېواد په 72 كلنه تاريخ كښې كوم حكومت او سياسي لارښود د اقليتونو د حقونو خبره نه ده كړې۔ د ننكانه صاحب تېر 10 كلونه اولس ته ډېر مشكل وو۔ پرمختيائي كارونه نه دي شوې۔ بابا ګورونانک پوهنتون كښې به د انفارمېشن ټېکنالوجۍ او سائنس اېنډ ټېکنالوجۍ ، پنجابۍ او خالصې تعلیم هم وركولې شي۔ د سکھانو په شمول نورو لپاره به هاسټلې هم جوړولې شي۔ ده د ګل په ورځ د بابا ګرونانک پوهنتون د بنياد تيګې اېښودلو دستورې ته خطاب كولو۔ دستوره كښې د پنجاب اعلی وزير عثمان بزدار ٬ د زده كړو وفاقي زير شفقت محمود، د وزيراعظم د اطلاعاتو او خپرونو خصوصي مرستيالې ډاكټر فردوس عاشق اعوان، د روغتيا صوبائي وزيرې ډاکټر یاسمین راشد، د پنجاب چيف سېكتر نسیم یوسف کھوکھر او نورو اعلی چارواكو ګډون كولو۔ ده د ننكانه له د پرمختيائي فنډز په وركولو د وزيراعظم عمران خان او اعلی وزير سردار عثمان بزدار مننه كولو سره ووئيل دې سره به د ننكانه صاحب خوا ا و شا 26 كلوميټره كارپټ سړكونه جوړولې شي كوم به چې د ننكانه د اولس په ګټه وي۔ ده ووئيل په ننكانه صاحب كښې د بابا ګورونانك پوهنتون د بنياد تيګه اېښودل د موجوده حكومت تاريخي كاميابي ده۔ ده ووئيل د وزیر اعظم عمران خان په مشرۍ كښی به دا پوهنتون ترسره كېږي او دا به د سكھانو په شمول د ننكانه صاحه اولس له يوه ډالۍ وي۔ ده ووئېل دا خو لا ابتداﺀ ده ٬ د وزيراعظم په مشرۍ كښی به نور پرمختيائي كارونه كولې شي۔ ده ووئيل دا د ننكانه صاحب د اولس د زړه غږ دے او په راروانو ټاكنو كښې به وزیراعظم عمران خان ننکانه صاحب څخه الېكشن ته اودرېږي

مضمون کا ماخذ : números da sorte loteria

متعلقہ مضامین