وفاقی کابینہ دا اجلاس،زیادتی کیس اچ جدید ٹیکنالوجی استعمال کرنڑ،کرونا دی دوائی دا مل ہزار دی بجائے 8ہزار4سو کرنڑ دا فیصلہ،توانائی دے شعبہ اچ اصلاحات تے غور

APP34-22 ISLAMABAD: September 22 Federal Minister for Information and Broadcasting Senator Shibli Faraz addressing a press conference at PID Media Centre. APP photo by Irshad Sheikh

اسلام آباد ۔ 22 ستمبر (اے پی پی) وفاقی وزیر اطلاعات و نشریات سینیٹر شبلی فرازآکھیے جو وزیراعظم عمران خان دی زیر صدارت وفاقی کابینہ دا اجلاس تھئے جیندے اچ زیادتی کیس اچ پیش رفت، زیادتی بارے قانون سازی دا مجوزہ مسودہ سودھا توانائی دے شعبے اچ چنگائی گھن آونڑ کتیے اقدامات دا جائزہ گھدا گئے۔اجلاس توں بعدمعاون خصوصی صحت ڈاکٹر فیصل سلطان دے کٹھے میڈیا بریفنگ اچ انہاںا ٓکھیے جو توانائی دے شعبے دے گردشی قرضے کینسرآلی کار کھنڈدے ویندن، بجلی دے ایل این جی تے چلنڑ آلے پلانٹس بارے الوایا گئے،ماضی دے مہانگے معاہدیاں پاروں بجلی مہانگی تھئی اے،بجلی دے گردشی قرضیاں معیشت کوں ولھیٹا ہوئے،بجلی دی قیمت گھٹاونڑ سانگے حکومتی اقدامات اتے بئے متعلقہ مسلیاں بارے تیکھے عوام کوں حقائق ڈسائے ویسن۔شبلی فراز آکھیا جو کابینہ اچ مشیر داخلہ شہزاد اکبرزیادتی کیسز بارے بل دا مسودہ پیش کیتے اتے کابینہ زیادتی کیس دی تحقیقات اچ جدید ٹیکنالوجی دا استعمال یقینی بنڑاونڑ دا فیصلہ کیتے کیوں جو جنسی جرائم اچ ملوث ملزمان کوں کیفر کردارتئیں پچاونڑ بہوں ضروری اے۔کابینہ اقتصادی رابطہ کمیٹی دے 9 اتے 16 ستمبردے فیصلاں دی توثیق کیتی اے ۔ایں موقع تے معاون خصوصی صحت ڈاکٹر فیصل سلطان آکھیے جو کابینہ کرونا دے علاج دی دوائی دا ملھ 10 ہزارتوں گھٹا 8 ہزار 400 روپے کرنڑ دا فیصلہ کیتے، تقریباً 94 ادویات دی قیمتاں کوں مناسب سطح تے کرڈتا گئے،ایندے اچ زندگی بچاونڑ،بلڈ پریشر، مرگی، کینسر، امراض قلب دیاں دوائیاں شامل ہین۔

مضمون کا ماخذ : quina resultados anteriores

متعلقہ مضامین