پاکستان ریلوے کوں چین توں 46 جدید کوچزمل چکئن ، پالیسیاں دا تسلسل نہ ہووݨ پاروں اداریں کوں چلاوݨ اوکھا تھی ڳئے ، خواجہ سعد رفیق

لاہور۔4دسمبر(اے پی پی) وفاقی وزیرریلوے و ہوا بازی خواجہ سعد رفیق آکھیے جو پاکستان ریلوے کوں چین نال 230 ہائی سپیڈ جدید مکمل طور تے تعمیر شدہ یونٹ کوچز اچوں 46 دی پہلی کھیپ مل ڳئی اے ، انہاں کوچز دے ملݨ توں بعد پاکستان ریلوے اسلام آباد اچ آپݨی کیرج فیکٹری اچ ایں طرح دیاں 184 ٻوگھیاں تیار کرݨ شروع کرݙیسی، پچھلے چار سال اچ ھک وی لوکو موٹیوز یا کوچ مل نی ڳھدی ڳئی تے ایم ایل ون منصوبے تے وی کوئی کم نی تھیا ، پالیسیاں دا تسلسل نہ ہووݨ پاروں اداریں کوں چلاوݨ اوکھا تھی ڳئے ،ریلوے کوں خسارے توں کڈھݨ کیتے ادارے دیاں زمیناں کوں استعمال اچ گھن آوݨا ہوسی ۔ اے ڳالھ انہاں اتوار کوں مقامی ہوٹل اچ پریس کانفرنس توں خطاب کریندے ہوئیں آکھی اے ۔ انہاں آکھیے اساکوں کوچز بݨاوݨ کیتے چین توں جدید ٹیکنالوجی ملی اے جیڑھی جو ھک وݙی کامیابی اے ۔انہاں MLـ1 منصوبے تے ول کم شروع کرݨ دی رضامندی تے چینی حکام دا شکریہ ادا کیتے۔ انہاں افسوس دا اظہار کیتے جو پی ٹی آئی دی حکومت پاکستان ریلوے اچ بہتری اتے استعداد کار ودھاوݨ کیتے اقدامات نہ کیتے ہن ، پاکستان ریلوے اچ گزریل دور حکومت اچ ھک وی لوکوموٹیو شامل نی کیتا ڳیا ،کوچز دی خریداری اچ دیر پاروں خرچے زیادہ آئے ،اپݨے سابقہ دور اچ اساں 11 نویں ریلوے سٹیشن بݨائے ہن جݙاں جو پی ٹی آئی دے دور اچ ھک نواں سٹیشن وی نی بݨ سڳیا ۔ خواجہ سعد رفیق آکھیے جو اڳوں کوچز دی تیاری پاکستان اچ ہی تھیسی ،بدقسمتی نال اساں کنے پالیسیاں دا کائنی جیں دی وجہ توں اداریں کوں چلاوݨ اوکھا تھی ڳئے ۔ وفاقی وزیر آکھیے جو ریل ڳاݙیاں اچ انٹرنیٹ وائی فائی دا کم مکمل تھی چکیے ۔

مضمون کا ماخذ : سپر اسپنر

متعلقہ مضامین