وزیراعلیٰ پنجاب دی اڳواݨی اچ اجلاس، ترجیحی 43 ترقیاتی منصوبیاں تے اڳونہی دا جائزہ

لاہور۔11نومبر(اے پی پی):نگران وزیراعلیٰ پنجاب محسن نقوی دی اڳواݨی اچ پلاننگ اینڈ ڈویلپمنٹ بورڈ دا اہم اجلاس تھئے جیندے اچ لوکاں دی بھلائی کیتے ترجیحی 43 منصوبیاں تے اڳونہی دا جائزہ ڳھدا ڳئے۔ چیئرمین پلاننگ اینڈ ڈویلپمنٹ بورڈ افتخار سہو ہر پراجیکٹ دی ڈرون فوٹیج نال فزیکل پراگریس تے بریفنگ ݙتی۔ نگران وزیراعلیٰ سارے منصوبے ویلھے تے مکمل کرݨ دی ہدایت کیتی۔ اجلاس لاہور اچ شاہدرہ ملٹی گریڈ فلائی اوور، امامیہ کالونی اوورہیڈ برج، اکبر چوک فلائی اوور، رنگ روڈ سدرن لوپ، گوجرانوالہ کوں سیالکوٹ لاہور موٹروے نال ملاوݨ کیتے واہنڈو انٹرچینج توں بے نظیر چوک تئیں ݙو رویہ سڑک ٻݨآوݨ، فیصل آباد اچ عبداللہ پور فلائی اوور، گجومتہ تا قصور فیروز پور روڈ پراجیکٹس تے بریفنگ ݙتی گئی۔ وزیراعلیٰ محسن نقوی ملتان شجاع آباد فلائی اوورمنصوبے تے سست کم تے چنتا کیتے۔ انہاں لاہور چڑیا گھر اتے سفاری پارک دی اپ گریڈیشن، فیصل آباد، راولپنڈی و گوجرانوالہ سیف سٹی اتھارٹی پراجیکٹس تے بریفنگ ڳھدی۔ اجلاس اچ کیڈٹ کالج ملتان، گوجرانوالہ یونیورسٹی ٻݨاوݨ اتے ملتان دے قلعہ کہنہ قاسم باغ دی بحالی اتے پارک ٻݨاوݨ دے کم دا وی جائزہ ڳھدا ڳیا۔

مضمون کا ماخذ : تھنڈرسٹرک II

متعلقہ مضامین