اسلام آباد۔8ستمبر(اے پی پی) وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے عوام پی ٹی آئی دا جلسہ مسترد کرݙتے ، جنھاں لکھاں لوکاں اڄ انقلاب برپا کرݨا ہئی پتہ نی او کتھاں ٹرڳئن ؟، اسلام آباد سودھے پنجاب اچ ٹریفک معمول موجب رہی ، پی ٹی آئی جلسے دی ناکامی لُکاوݨ سانڳے نقلی ویڈیوز دا سہارا ڳھدے ، ناکام جلسے تے اتنا ہی آکھیا ونڄ سڳدے جو تبدیلی دا جذبہ، تبدیلی دا جنون، انا للہ و انا الیہ راجعون۔ اتوار کوں پی ٹی آئی دے جلسہ دے حوالے نال خصوصی ڳالھ مہاڑ کریندے وفاقی وزیر اطلاعات آکھیے انھاں خود اسلام آباد دے مختلف علاقیں دا دورہ کیتے ، اسلام آباد اچ ٹریفک معمول دے مطابق اے۔ انہاں آکھیے او لکھاں لوک جنہاں اڄ انقلاب برپا کرݨا ہئی پتہ نی او کتھاں چلے ڳئن ، پنجاب تے اسلام آباد اچ ٹریفک معمول دے مطابق اے، معمولات زندگی نارمل ہن، او لکھاں لوگ جنہاں سمندر دی شکل اچ نکلݨا ہئی او کتھائیں ںظر نی آندے پئے ، انھاں آکھیے جلسہ کرݨ جمہوری حق اے، انتظامیہ پی ٹی آئی کوں جیڑھا وقت ݙتے ایں موجب جلسہ ہووݨا چاہیدے ، انھاں آکھیے جلسہ دی ناکامی لکاوݨ سانڳے پی ٹی آئی کوڑ دا سہارا گھندی پئی اے ، سوشل میڈیا تے نقلی فوٹیجز جاری کر تے پروپیگنڈا کیتا ویندا پئے ، انھاں آکھیے پی ٹی آئی دی قیادت، کارکنان اتے پی ٹی آئی نال ذہنی ہم آہنگی رکھݨ آلے ایجھیاں نقلی خبراں کھنڈیندے پئن ، انہاں آکھیے احتساب تھی تے رہسی ، جے اے تاثر قائم کرݨ چاہندن جو جلسہ کرتے این آر او ڳھدا ویسی تاں اے ہر گز نہ تھیسی ،تساکوں توشہ خانہ دا وی جواب ݙیوݨا ہوسی تساکوں190 ملین پائونڈ دی میگا کرپشن دا وی جواب ݙیوݨا ہوسی ۔ وفاقی وزیرآکھیے اے پی ٹی آئی دی سیاسی طورتے ٻہوں وݙی ناکامی اے ، اے تاثر ݙتا ویندا پیا ہئی جو لکھاں لوک آندے پئن تے ٻاہر نکلݨ دی واری آئی تاں مکمل ناکام تھی ڳئن ، پی ٹی آئی دی پنجاب اتے خیبر پختونخوا دی قیادت ݙوہیں ناکام تھی چکئن ، انہاں آکھیے ایں ناکام جلسے تے اتنا ہی آکھ سڳداں جو تبدیلی دا جذبہ، تبدیلی دا جنون، انا للہ و انا الیہ راجعون
.jpg)
.jpg)
