روڈ ٹو مکہ منصوبہ نال ہزاراں پاکستانی عازمین حج کوں سہولتاں ݙیوݨٰی پوسن، مستقبل اچ ایندے دائرہ کارملک دے بئے شہراں تئیں کھنڈایا ونڄے۔ وزیراعظم شہبازشریف

اسلام آباد۔16جون (اے پی پی) وزیراعظم شہبازشریف روڈ ٹو مکہ منصوبے تے سعودی قیادت دا شکریہ ادا کریندیں ہوئیں آکھای جو روڈ ٹو مکہ منصوبہ نال ہزاراں پاکستانی عازمین حج کوں سہولتاں ݙیوݨٰی پوسن، مستقبل اچ ایندے دائرہ کارملک دے بئے شہراں تئیں کھنڈایا ویسی۔ وزیراعظم آفس دے میڈیا ونگ ولوں جاری بیان دے مطابق اے ڳالھیں انہاں سعودی عرب دے سفیر نواف بن سعید احمد المالکی دی قیادت اچ ”روڈ ٹو مکہ” پراجیکٹ ٹیم نال ڳالھ مہاڑ کریندیں ہوئیں آکھی جئیں خمیس کوں انہاں نال ملاقات کیتی۔ ملاقات اچ سعودی ڈیپارٹمنٹ آف دی جنرل ڈائریکٹوریٹ آف پاسپورٹ دے منصور شاہد ایس الطائیبی وی موجود ہن۔ سعودی وفد دا خیر مقدم کریندیں ہوئیں وزیراعظم ایں ڳالھ دا اعادہ کیتا جو پاکستان اتے سعودی عرب دے تاریخی برادرانہ تعلقات ہن۔ وزیراعظم ، روڈ ٹو مکہ منصوبے تے سعودی قیادت دا شکریہ ادا کیتا۔ سعودی سفیر آکھیا جو سعودی ٹیم ایجھے عازمین دی مملکت روانگی توں پہلے انہاں دی سہولت کیتے پاکستان اچ موجود اے۔

مضمون کا ماخذ : کوئی شہزادی۔

متعلقہ مضامین