ابوظہبی۔13جنوری (اے پی پی) وزیراعظم محمد شہباز شریف آکھیا جو وزیراعظم نال ابوظہبی چیمبر دے وفد دی ملاقات، پاکستان اچ کاروبار تے سرمایہ کاری اچ دلچسپی دا اظہار، ہنرمند افرادی قوت کوں یو اے ای ٻھیجݨ پہلی ترجیح اے۔ ابوظہبی چیمبر آف کامرس دے بورڈ اچ پاکستانی تاجر دی بطور ممبر موجودگی متحدہ عرب امارات دی ترقی اچ پاکستانی کمیونٹی دے اہم کردار دا اعتراف اے۔ جمعے کوں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف نال ابوظہبی چیمبر آف کامرس دے وفد ملاقات کیتی جئی دی قیادت چیمبر دے چیئرمین عبداللہ محمد المزروعی کریندے پے ہن۔ ایں موقع تے وزیر خزانہ اسحاق ڈار، وزیر تجارت نوید قمر، وزیر دفاع خواجہ محمد آصف، وزیر ہوا بازی خواجہ سعد رفیق، وزیر مواصلات مولانا اسعد محمود، وزیراعظم دے معاونین خصوصی اورنگزیب ، طارق فاطمی اتے اعلیٰ حکام وی موجود ہن۔ وفد نال ڳالھ مہاڑ کریندیں ہوئیں وزیراعظم آکھیا جو انہاں کوں یو اے ای دے ہک اہم چیمبر آف کامرس دے وفد نال مل تے خوشی تھئی اے۔ پاکستان متحدہ عرب امارات نال اپݨے تعلقات کوں اہمیت ݙیندے جیڑھے سانجھے عقیدے، سانجھی تاریخ اتے عوام نال عوام دی سطح تے رابطیاں تے مبنی اے۔ ابوظہبی چیمبر آف کامرس دے اراکین پاکستان اچ کاروبار کرݨ اتے سرمایہ کاری رکݨ اچ دلچسپی ݙکھائی۔
