نگران وزیراعظم انوار الحق کاکڑ دی آئی ایم ایف دی منیجنگ ڈائریکٹر کرسٹالینا جارجیوا نال ملاقات، ملکی معیشت دے استحکام اتے بحالی دے اقدامات بارے ݙسیا

نیویارک۔21ستمبر (اے پی پی) نگران وزیراعظم انوار الحق کاکڑ اقوام متحدہ دی جنرل اسمبلی دے 78ویں اجلاس دے موقع تے نیویارک اچ انٹرنیشنل مانیٹری فنڈ (آئی ایم ایف) دی منیجنگ ڈائریکٹر کرسٹالینا جارجیوا نال ملاقات کیتی۔ وزیراعظم پاکستان دی معیشت کوں سہارا ݙیوݨ کیتے آئی ایم ایف ولوں ترائے بلین ڈالر دے سٹینڈ بائی ایگریمنٹ (ایس بی اے) دی منظوری تے شکریہ ادا کیتا۔ انہاں ایم ڈی آئی ایم ایف کوں حکومت پاکستان ولوں ملکی معیشت دے استحکام اتے بحالی بارے کیتے ڳئے اقدامات دا ݙسیا۔ وزیراعظم تصدیق کیتی جو انہاں اقدامات دا مقصد پائیدار ترقی اتے سرمایہ کاری کیتے ہک مستحکم اتے سازگار ماحول ݙیوݨ اے۔ آئی ایم ایف دی منیجنگ ڈائریکٹر کرسٹالینا جارجیوا معیشت دی بحالی کیتے پالیسیاں اتے اصلاحات دے نفاذ اچ پاکستان دی کوششاں دی تعریف کیتی۔

مضمون کا ماخذ : قسمت کا پہیہ

متعلقہ مضامین