پاکستان ریلوے دا گھاٹا 2013ءاچ 30 ارب 50 کروڑ روپے ہا جیرھا جو 2018ءاچ ودھ تے 40 ارب 70 کروڑ روپے تئیں پج گے ، وفاقی وزیر ریلوے شیخ رشید احمد

اسلام آباد ۔ 29 اگست (اے پی پی) وفاقی وزیر ریلوے شیخ رشید احمد آکھیے جو پاکستان ریلوے دا خسارہ 2013ءاچ 30 ارب 50 کروڑ روپے ہا جیرھا جو 2018ءاچ ودھ تے 40 ارب 70 کروڑ روپے تئیں پج گے ، ریلوے دی غیر ضروری زمین کوں لیز تے ڈیونڑ یا ویچنڑ دی تجویز منگل کوں کابینہ دے اجلاس اچ پیش کیتی ویسی ۔بدھ کوں ایوان بالا اچ سوالاں دے وقفے دے دوران سینیٹر محسن عزیز، کلثوم پروین اتے بئے ارکاناں دے سوال دے جواب اچ انہاں آکھیا جو 2012-13ءاچ ریلوے دا خسارہ 30 ارب 50 کروڑ روپے ہا جیرھا جو 2015-16ءاچ 27 ارب روپے تئیں گھن آیا گیا لیکن 2016-17ءاچ ریلوے دے خرچے ہک سال اچ ودھ تے 10 ارب 80 کروڑ روپے ودھ گے جیں دی وجہ توں پاکستان ریلوے دا خسارہ ایں سال 40 ارب 70 کروڑ روپے تئیں ودھ گے ۔ انہاں آکھیا جو ریلوے دی کل زمین ہک لکھ 70 ہزار ایکڑ ہے جیں اچوں ہک لکھ 26 ہزار ایکڑ استعمال تھیندی پئی اے ۔ 20 ہزار ایکڑ اساں مستقبل سانگے رکھی اے ۔جڈاں جو باقی زمین لیز تے ڈیونڑ یا ویچنڑ دے حوالے نال ہک تجویز کابینہ دے اجلاس اچ پیش کیتی ویندی پئی اے ۔انہاں آکھیا جو ریلوے دی زمین تے بیٹھے غریباں کوں کائناں اٹھا یا ویسی تاں جو جیرھے لوکاں پلازے بنڑائین انہاں دے خلاف ایکشن تھیسی ۔

مضمون کا ماخذ : سائٹس de loteria confiáveis

متعلقہ مضامین